Asteazkena, 2014(e)ko iraila(r)en 10-(e)an
Datorren astelehenetik asteazkenera arte (irailaren 15ean, 16an eta 17an), "Zinema-ideiak eta zinema ideiaduna" zikloa burutuko da San Telmo Museoan. Zineak narratibarekin, filosofiarekin eta gizartearekin duen harremanaz arituko dira Amelia Valcarcel, Victoria Camps, Manuel Cruz, Roberto R. Aramayo, Koldo Almandoz, Iratxe Fresneda eta Irati Jiménez, besteak beste.
Astelehena, 2014(e)ko uztaila(r)en 28-(e)an
Donostia Kulturak martxan jarri du sarrerak internetez saltzeko gune propioa: www.donostiakultura.eus/sarrerak. Bertan Donostia Kulturak antolatutako ikuskizun guztietarako sarrerak eros daitezke.
Osteguna, 2014(e)ko maiatza(r)en 15-(e)an
Donostiako Udalak, Giza Eskubideen Atalaren bitartez, Artea eta Giza Eskubideak, Haur eta Gazteen 10. ekitaldiaren sari banaketa antolatu du maiatzaren 18an, Victoria Eugenia antzokian. Sari banaketa hori Eskolarteko Koldo Mitxelena Literatur Lehiaketarekin batera egingo da.
Larunbata, 2014(e)ko apirila(r)en 05-(e)an
Donostiako Udalak, Giza Eskubideen Atalaren bitartez, Artea eta Giza Eskubideak, Haur eta Gazteen 10. edizioa antolatu du eta hamargarren urteurrena ospatu nahi du azken urteotan giza eskubideen inguruko hausnarketan parte hartu duten 23.500tik gora haur eta gazteen lana txalotu eta eskertuz. Horretarako, aurreko edizioetako atzera begirako erakusketa antolatu du 9 edizioetan aurkeztutako ipuin eta margolan onenekin.
Osteguna, 2014(e)ko apirila(r)en 03-(e)an
Robert Guédiguian Frantziako zinegileak jasoko du Bakearen eta Giza Eskubideen Etxeak eta Donostia Kulturak antolatutako Donostiako Giza Eskubideen Zinemaldiak (apirilak 4-11) urtero ematen duen Saria. Saria inaugurazio ekitaldian emango da Victoria Eugenia Antzokian, apirilaren 4an, 19:30ean. Ustaritz Betelu artista donostiarrak diseinatu du saria.
Asteazkena, 2014(e)ko apirila(r)en 02-(e)an
Euskadiko Garapenerako GKEen Koordinakundeak, nazioarteko lankidetzaren esparruan lanean diharduten 84 euskal GKE biltzen dituenak, Giza Eskubideen Zinemaldian parte hartuko du, Hegoaldeko 8 pertsonen lekukotasunak Alderdi Ederreko Liburutegi Nagusian erakusgai jarriz. Hain zuzen ere, pertsona horien bizi-kalitatea zein giza eskubideen errespetua hobetu egin da euskal nazioarteko lankidetzari esker.
Ostirala, 2014(e)ko martxoa(r)en 28-(e)an
Srdan Golubović zuzendariaren Circles / Krugovi (2013) filmak inauguratuko du datorren apirilaren 4an, ostiralez, Donostiako Giza Eskubideen XII. Zinemaldia Victoria Eugenia Antzokian. Hiriko Udaleko Giza Eskubideen Sailak eta Donostia Kulturak antolatzen du aipatu zinemaldia. Hany Abu-Assad zuzendariaren Omar (2013) film palestinarrak itxiko du, bestalde.