Drogaren aurkako borrokaren negozioa
Estatu Batuak. Zuzendaritza: Eugene Jarecki. Ekoizpena: Eugene Jarecki, Melinda Shopsin, Samuel Cullman, Christopher St. John / Edgewood Way, BBC, ITVS, ZDF. Ekoizpen ejekutiboa: Danny Glover, John Legend, Brad Pitt, Russell Simmons, Nick Fraser, Joslyn Barnes, Roy Ackerman, David Alcaro, Sally Jo Fifer. Gidoia: Eugene Jarecki. Argazkia: Sam Cullman, Derek Hallquist. Musika: Robert Miller. Muntaketa: Paul Frost. Iraupena: 108 min
HIZKUNTZA: ingelesa / AZPITITULUAK: gaztelania
“Drogen aurkako gerra” deitutakoak bilioi bat dolarretik gorako gastua eragin die Estatu Batuei azken 40 urteotan. Mundu osoko kartzeleratuen (munduko populazioaren %5 besterik ez) %25 herrialde honetan daude. Populazio beltza biztanleen guztizkoaren %13 da eta droga kontsumitzaileen %14, baina drogekin lotutako auziengatik atxilotutakoen %37 eta horiei lotutako krimenengatik espetxeratutakoen %56 beltzak dira. Gerra hau etxean bertan gertatzen ari da, azken hamarkadetan 45 milioi pertsona eraman ditu espetxera, heriotz ugari eragin ditu, familiak suntsitu ditu eta neurtu ezinezko kalteak eragin dizkie etorkizuneko belaunaldi estatubatuarrei.
Eugene Jarecki dokumentalistaren azken lana da; Why We Fight (2005), Freakonomics (2010) (beste zinemagile batzuekin batera zuzendutakoa) edo Reagan (2011) filmak ere egin ditu.